कविता हे एक अजब रसायन आहे
चढेल त्यांना नशा आणि बाकीच्यांसाठी कागदावरची ओळ आहे
कविता म्हणजे विचारांना लावलेलं अत्तर आहे
नटलेल्या भाषेचा काव्यमय शृंगार आहे
कविता म्हणजे....
कधी गुपित मनातले, तर कधी भाव प्रेमाचे
कधी जग स्वप्नांचे, तर कधी भान वास्तवाचे
कधी गुण सौंदर्याचे, तर कधी संवाद आयुष्याचे
कधी हृदयाच्या आतली, तर कधी हृदयापर...
कधी अगदी अर्थपूर्ण, तर कधी अर्थापार....
कवितेत कधी तुम्ही असता, कधी मी असते
कारण कविता ही तुमच्या माझ्या मनातलीच एक भावना असते...
No comments:
Post a Comment